Día internacional do libro infantil

April 10, 2019

Coincidindo coa celebración do día do Libro Infantil e Xuvenil, desde o Equipo de Biblioteca do CEIP Princesa de España leváronse a cabo diferentes actividades durante toda a semana. 

 

O martes día 2, a Biblioteca realizou unha xornada de portas abertas congregando ao alumnado de todos os grupos. Cómpre destacar que estas xornadas xa ofrecidas en anteriores datas teñen como obxectivo o contacto de alumnos e alumnas de diferentes idades ao redor dos libros e das actividades máis lúdicas que se realizan na Biblioteca escolar. 

 

Durante toda a semana cada titoría traballou ao redor de libros infantís con dúas actividades que gozaron dunha gran aceptación e un alto grao de satisfacción por parte do noso alumnado. 

 

En primeiro lugar utilizando a proxección da curta “Os fantásticos libros voadores do señor Morris Lessmore” para xerar inquedanzas entre o noso alumnado e fomentar o debate sobre a importancia de ler nesta etapa da súa vida.

 

A outra actividade involucrou máis de cheo a todo o profesorado. Cada mestre e mestra compartiu cos diferentes grupos o seu libro infantil favorito, o seu primeiro libro ou un libro que o marcase na infancia. A lectura dun extracto, capítulo ou o libro enteiro no caso dos máis breves deu paso a un selfie en equipo. 

 

Share on Facebook
Share on Twitter
Please reload

Entradas destacadas
Entradas recientes

I'm busy working on my blog posts. Watch this space!

Please reload

November 13, 2019

November 11, 2019

November 7, 2019

November 6, 2019