O alumnado de 6º de Primaria do CEIP Princesa de España vai visitar o Castelo de Monterrei. Recíbeos o Alcalde do Concello de Monterrei e, sin saber como, aparecen uns personaxes que parecen sacados doutro tempo, mergullando ao grupo nunha aventura inesperada.

Un frade trae un mandado, un soldado sospeita que se trata de espías e unha costureira que traballa no Pazo dos Condes, van levar ao grupo a coñecer segredos e... Creo que en vez de contalo seguro que vos vai gustar mellor velo. Déixovos unhas fotos para que o voso maxín traballe un pouco.